Энэ сарын 16-ны орой караокегоор үйлчлүүлсэн иргэд "цаг сунгасангүй" гэх шалтгаанаар,  шаардлага тавьсан зөөгч залуугийн биед нь халдаж,  толгой руу нь пиво асгасан байна. Хяналтын камерын бичлэгийг баримтаар хавсарган Орхон аймгийн цагдаагийн газарт гомдол гаргаж, хэргийг шалгаж байгаа гэв. Болсон явдлын талаар тодруулахад "оройны 23:30 минутад караокены хөгжмийг зогсоож, үйлчлүүлэгчдийг гаргах ёстой байдаг. Тухайн үйлчлүүлэгчид цагаа сунгах хүсэлт гаргасан. Энэ нь боломжгүй байсан учраас бид зохих ёсны шаардлага тавихад бухимдаж эхэлсэн. Улмаар тейкны ард зогсож байхад шанаадаж, хамт явж байсан хүмүүс нь толгой руу ууж байсан лаазтай пиво асгасан" хэмээн тайлбарлав. 

   Монгол Улсын Эрүүгийн хуулийн дагуу хүний биед халдах, эрүүл мэндэд хохирол учруулах үйлдэл нь дараах байдлаар ял шийтгэл хүлээлгэдэг: 

Хөнгөн хохирол санаатай учруулсан тохиолдолд: торгууль, эсвэл хорих ял оноох боломжтой.  Хүнд хохирол санаатай учруулсан тохиолдолд 2-8 жилийн хорих ял оноох боломжтой байдаг ажээ. Согтууруулах ундаа хэрэглэсэн үедээ гэмт хэрэг үйлдсэн нь эрүүгийн хариуцлагаас чөлөөлөх үндэслэл болохгүй. Шүүхийн шийдвэрүүдээс харахад, зөөгчийн биед халдсан тохиолдолд шүүгдэгчид торгууль, нөхөн төлбөр, эсвэл хорих ял оноосон хэд хэдэн тохиолдол байдаг байна.

 Хохирогчид өгөх зөвлөмж: хэрэв та эсвэл танил тань ийм нөхцөл байдалд орсон бол цагдаагийн байгууллагад яаралтай мэдэгдэж, гомдол гаргах, эмнэлгийн байгууллагад хандаж, гэмтлийн зэрэг тогтоолгох, харуулын камерын бичлэг, гэрчийн мэдүүлэг зэрэг нотлох баримтыг цуглуулах, өмгөөлөгчтэй холбогдож, эрх зүйн зөвлөгөө авах боломжтой. 

Хөдөлмөрийн аюулгүй байдал, ажилтны халдашгүй байдлыг хамгаалах нь нийгмийн нийтлэг үүрэг юм.