Орхон аймгийн хэмжээнд томуу, томуу төст өвчин идэвхжилийн үе дээрээ байна.
Тодруулбал, томуугийн дэгдэлт үүсээгүй буюу томуугийн А болон В хүрээний вирус өвдсөн иргэдийн дунд илрээгүй байгаа ч  хүйтний улирал эхэлсэнтэй холбоотойгоор өвчлөл нэмэгдэх хандлагатай байгаа аж. Аймгийн БОЭТ-ийн хүүхдийн хүлээн авахаар ирэх хүүхдийн тоо өдөр бүр нэмэгдэж  өнгөрсөн долоо хоногт 700 гаруй хүүхэд хандсан байна.
Үүнээс 350 орчим нь амралтын өдрүүдээр хамрагдаж байгаатай холбоотойгоор хүний нөөцийг нэмэгдүүлэн  ажиллаж байна. Тиймээс иргэд томуу, томуу төст өвчнөөс хүүхдийг ахуйн нөхцөлд эрүүл ахуйн аргаар урьдчилан сэргийлэх боломжтой юм. Тухайлбал, олон хүн цугласан газраар бага насны хүүхдийг дагуулж явахгүй байх, амны хаалт хэрэглэх, гараа тогтмол угаах, өрөө тасалгааг агааржуулж, нойтон цэвэрлэгээ тогтмол хийж байхыг албаны хүн зөвлөж байна.