Энэ сарын 18-нд баруун аймгуудын нутгаар, 19-нд нутгийн баруун хагаст, 20-нд ихэнх нутгаар нойтон цас орж, цасан шуурга шуурч, говь, тал, хээрийн нутгаар салхи шуургатай байхыг анхааруулж байна.

2024 оны 10-р сарын 18-наас 2024 оны 10-р сарын 22-ныг хүртэлх цаг агаарын урьдчилсан төлөв:

18-нд баруун аймгуудын ихэнх нутгаар, 19-нд нутгийн баруун хагаст, 20-нд баруун аймгуудын нутгийн зарим газар, говь, төв болон зүүн аймгуудын ихэнх нутгаар, 21-нд төвийн аймгуудын нутгийн зүүн хэсэг, зүүн аймгуудын нутгийн зарим газраар нойтон цас, цас орж, цасан шуурга шуурна. Салхи 18-нд нутгийн зүүн хэсгээр, 19-нд Алтайн уулархаг нутгаар, 20-нд говь, тал, хээрийн нутгаар секундэд 15-17 метр хүрч ширүүснэ. Дархадын хотгор, Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө -18...-23 градус, өдөртөө -4...-9 градус хүйтэн, говийн бүс нутгийн өмнөд хэсгээр шөнөдөө -4…+1 градус, өдөртөө +7…+12 градус дулаан, бусад нутгаар шөнөдөө -9…-14 градус хүйтэн, өдөртөө -2…+3 градус дулаан байна. 

ЭРДЭНЭТ ХОТ ОРЧМООР: Өнөө шөнө үүл багасна, цас орохгүй. Маргааш өдөр үүлшинэ, ялимгүй цас орно. Салхи зүүн өмнөөс 4-9 м/с. Шөнөдөө -8°С, өдөртөө 6°С.

ЖАРГАЛАНТ СУМ ОРЧМООР: Өнөө шөнө үүл багасна, цас орохгүй. Маргааш өдөр үүлшинэ, ялимгүй цас орно. Салхи зүүн өмнөөс 4-9 м/с. Шөнөдөө -10°С, өдөртөө 6°С.

15-ны өдөр, 15-аас 16-нд шилжих шөнө, 17-ны өдөр ялимгүй цас орно. Салхи ихэнх хугацаанд 5-10 м/с, 17-ны өдөр түр зуур ширүүснэ. Шөнөдөө 6-11 градус хүйтэн, өдөртөө 1-6 градус дулаан байна.