Жил бүрийн гуравдугаар сарын сүүлийн долоо хоногийн пүрэв гарагт олон нийт, иргэдийг хамарсан газар хөдлөлтийн аюулаас урьдчилан сэргийлэх Гамшгийн үеийн зарлан мэдээллийн дуут дохио улс орон даяар дуугардаг. Энэ жилийн дуут дохионы сургуулилт 2025 оны 3-р сарын 27-ны өдөр явагдана. Иргэн та 3-р сарын 27-ны 16:00 цагт дуут дохио дуугарах үед: Барилга, байгууламжаас гарч Өөрт ойр аюулгүй талбайд очин Дадлага сургуульд идэвхтэй оролцоно уу. Энэхүү дадлага нь газар хөдлөлтийн үед өөрийгөө болон бусдыг хэрхэн хамгаалах талаар мэдлэг, дадал олгох чухал ач холбогдолтой тул иргэн бүр идэвхтэй оролцохыг уриалж байна!