Сургууль, цэцэрлэгийн үйл ажиллагаа эхэлсэнтэй холбоотойгоор ил задгай худалдаа нэмэгдсэн. Дархан, Сэлэнгэ, Хөвсгөл аймгаас худалдаа эрхлэх найман иргэн А.Амарын талбайд худалдаа  явуулах зөвшөөрлийг хүссэн байна. Тиймээс өөр бусад аймгаас ирж худалдаа эрхэлж байгаа хүмүүс нийтийн эзэмшлийн зам талбайд худалдаа эрхлэх боломжгүй, шаардлагатай тохиолдол Худалдааны гудамд борлуулалт хийх боломжтой гэдгийг Баян-Өндөр сумын Засаг дарга Б.Баасансүрэн хэлж байна. Зам дагуу цагаан идээ зарж байгаа иргэдийг Хүлэг захад худалдаалах боломжоор хангах ажлыг хүнсний захын удирдлагуудтай уулзаж талбайгаар хангах тал дээр зохицуулалт хийхийг ЗДТГ-ын дарга Д.Соёлчхүү холбогдох албаныханд үүрэг болгов.