Хана, шал, тааз нь цуурсан 17-р сургуулийн хичээлийн 2-р байрыг аймаг 856 сая төгрөгөөр өнгөрсөн жил тендер зарлан бүрэн засварласан. Энэхүү зардлыг “Урагшлах” ХХК-аас гаргуулахаар Иргэний хэргийн анхан шатны шүүхэд нэхэмжлэх гаргасан ч өнөөдрийг хүртэл шүүх хурал зарлагдаагүй байна. Дархан-Уул аймгийн Политехникийн хөндөлнгийн шинжээчийн дүгнэлтээр барилгын буурь, суурь хөрсийг стандартын нормын дагуу бүрэн нягтаршуулаагүй барилга барьсан нь цууралтад нөлөөлсөн гэдгийг хэлж байна. Энэ удаагийн шүүх хуралд өмнө нь ажиллаж байсан хөндлөнгийн шинжээчдийг биечлэн оролцуулах юм. Мөн сургуулийн барилгын зураг төсөв, захиалагчийн хяналтыг хэрэгжүүлсэн бүх баримт материалыг шүүх дээр нотлох баримтаар хүргүүлсэн байна. Шүүх хурал ирэх 10 дугаар сард болох төлөвтэй байгаа гэв.