Сурагчдын өвлийн амралт дуусаж 2024 оны 1 сарын 29 өдрөөс хотын доторх хөл хөдөлгөөн ихсэж байгаатай холбогдуулан Баян- Өндөр сумын Засаг даргын захирамжийн дагуу Ерөнхий боловсролын сургууль, цэцэрлэгийн ойр орчмын цас цэвэрлэгээний ажлыг хийх, сургуулийн ойролцоох аж ахуйн нэгж, байгууллага 50 метр хүртэлх эдэлбэр газар, нийтийн эзэмшлийн зам талбай, ногоон байгууламж, явган хүний замын хог, цас, мөсийг тогтмол цэвэрлэж, халтиргаа гулгаа үүсгэхгүй, орчныг бохирдолгүй цэвэр байлгах чиглэлийг өгсөн байна. Аймгийн хэмжээнд нийт 23 сургууль, 37 цэцэрлэгт захирамжийг хүргүүлсэн байна. Өнөөдрийн байдлаар 452 орчим ажилтан албан хаагч, 119800 м2 талбайн мөс цасыг цэвэрлэж сурагчдын аюулгүй орчныг ханган ажиллаад байна. Цаашид цаг агаарын нөхцөл байдлаас үүсэн гарч болзошгүй осол аваар, халтиргаа гулгаанаас сэргийлэн сургууль цэцэрлэг, аж ахуйн нэгж, байгууллагуудад ойр орчмынхоо талбайн цасыг цэвэрлэж, хүлээсэн үүргээ хариуцлагатайгаар биелүүлэн хүүхэд багачуудын аюулгүй байдлыг ханган ажиллахыг уриалж байна .