Улсын хэмжээнд малын гоц халдварт дөрвөн төрлийн өвчин идэвхтэй хэвээр байна. Хүйтний улирал эхэлсэнтэй холбогдуулан малын гоц халдварт цэцэг, мялзан өвчний идэвхжилт говийн болон зүүн бүсийн аймгуудад тодорхой голомтууд байгаа учир хорио цээрийн дэглэмүүдийг хэрэгжүүлэн ажиллаж байна. Манай аймгийн хувьд гоц халдварт өвчний идэвхтэй болон идэвхгүй тандалтыг зохион байгуулж өглөө бүр малчидтай гар утсаар холбогдож нөхцөл байдлыг асууж шинж тэмдгийн тандалт хийх мөн гар утасны аппликейшн дээр суурилсан асуумжийг бөглөж, Мал эмнэлгийн ерөнхий газар дээр дата өгөгдлөөр хяналт шалгалтуудыг хийж, урьдчилан сэргийлэх вакцин тарилгыг төл малд хийж урьдчилан сэргийлэх ажлыг зохион байгуулж байна.