Илгээлтийн эздийн 50 жилийн  ой,  Хангайн бүсийн хурдан морьдын уралдаан, Орхон аймгийн баяр наадам ирэх сарын 1,2-ны өдрүүдэд болно.  Өнөөдөр баяр наадмыг зохион байгуулах хороод  наадмын бэлтгэл, зохион байгуулалтын талаар мэдээлэл өгч хэвлэлийн хурал хийлээ. Аймаг орон нутгийн удирдлагууд Засгийн газарт Илгээлтийн эздийн 50 жилийн ойг тэмдэглэн өнгөрүүлэх хүсэлт хүргүүлсний дагуу Засгийн газрын энэ оны тавдугаар сарын 29-ний өдрийн хуралдаанаар аймгийн баяр наадам, Илгээлтийн эздийн 50 жилийн ой, хангайн бүсийн хурдан морьдын уралдааныг хамтатган ирэх сарын 1,2-нд тэмдэглэх тогтоолыг гаргасан билээ. 

     Үүний хүрээнд баяр наадмыг зохион байгуулах хороод байгуулагдаж, 10 салбар хороо  чиглэл тус бүрээр баяр наадмын бэлтгэл  хангаж байна.  Энэ жилийн баяр наадмыг зохион байгуулах хороон даргаар аймгийн  Засаг даргын орлогч Д.Соёлчхүү, нарийн бичгийн даргаар ЗДТГ-ын Цэргийн штабын дарга, хурандаа Б.Оюунтүлхүүр нар ажиллаж байна.