Улс хэмжээнд өнөөдрийн байдлаар дөрвөн төрлийн малын гоц халдварт өвчний дэгдэлттэй байна. Хонины цэцэг өвчинөөр долоон аймгийн 23 суманд 32 голомтод 234 өрхийн нийт 7226 толгой мал өвчилсөн. Үүнээс 388 толгой хонь устгаж, 2496 толгой хонь шинж тэмдэг арилсан 4,372 толгой хонь тусгаарлалтад байна. Нийт таван аймгийн 20 суманд 28 голомт хорио цээрийн дэглэм тогтоожээ. Хонины цэцэг өвчний яаралтай дархлаажуулалт удаашралтай явагдаж байгааг эрчимжүүлэх зорилгоор тусламжийн вакцин ирэх 7 хоногт Монголд бууж эрх бүхий лабораторийн шалгалтад хамруулсны дараа эрсдэлтэй бүсийн өвчлөмтгий малыг дархлаажуулж, өвчний тархалтыг зогсоох арга хэмжээг авч эрчимжүүлэх юм.
