2025 оны 04 дүгээр сарын 02-ны өдрийн байдлаар аймгийн хэмжээнд гал түймрийн 42 удаагийн тохиолдол бүртгэгдсэн нь өнгөрсөн оны мөн үетэй харьцуулахад 28.5 хувиар өссөн үзүүлэлттэй байна. Гал түймрийн улмаас 355 сая төгрөгийн хохирол учирч, онцгой байдлын албан хаагчид 635 сая төгрөгийн өмч хөрөнгийг авран хамгаалсан байна.

Гал түймэрийг бүсчилвэл:

            •           Гэр хороолол – 55.5%

            •           Машин техник – 11%

            •           Барилга байгууламж, ААНБ – 8.5%

            •           Хогийн цэг – 25%

 Гал түймрийн шалтгаан:

            •           Цахилгаан ашиглалт, угсралтын буруу ажиллагаа

            •           Ил задгай асгасан үнс нурам

            •           Ил гал (тамхи, шүдэнз, лаа гэх мэт)

            •           Яндангийн цонолт

            •           Пийшин зуухны гэмтэл эзлээд байна. Гал түймрийн улсын хяналтын байцаагчийн зөвлөмж байгаагаар .

Галын аюулгүй байдлаа хангахдаа

            •           Үнс нурмаа ил задгай асгахгүй байх, зориулалтын тагтай саванд хийх

            •           Ил галаар машин, техник асаахгүй байх (гагнуур, паялник гэх мэт)

            •           Утааны янданг оч баригчтай болгох

            •           Цахилгаан угсралт, холболтыг мэргэжлийн хүнээр гүйцэтгүүлэх

            •           Цахилгаан хэрэгслийг шалгалгүй үлдээхгүй байх

            •           Бага насны хүүхэд, хөгжлийн бэрхшээлтэй иргэдийг хараа хяналтгүй орхихгүй байх

            •           Зуухны амны урд 50х70 хэмжээтэй хамгаалалтын төмөр байрлуулах

            •           Яндангийн холболтыг зөв угсарсан байх

            •           Байшин, гэрийг 5 метрээс багагүй зайтай барих

            •           Шуурхай албаны автомашин ирэхэд хүндрэлгүй байхаар хаягжилтаа тодорхой байрлуулах

            •           Гэр, байшин, малын хашаа, саравч, өвс тэжээл, худгийн эргэн тойронд 100 метрийн өргөнтэй шороон зурвас татах

            •           Түймэрт нэрвэгдэж болзошгүй нутаг дэвсгэрийг түймрээс хамгаалах зурвастай болгох

            •           Өрх бүр анхан шатны гал унтраах хэрэгсэл (хүрз, цохиур, хувин, эсгий, гал унтраагуур, троссон шүүр г.м) бэлтгэх хэрэгтэй бөгөөд галын аюулгүй байдлыг хангаагүй, хууль зөрчсөн иргэн хуулийн итгээдийг Зөрчлийн тухай хуулийн 5.14.1-д заасны дагуу хариуцлага шийтгэл торгуул оногдуулдаг. Тус заалтанд Иргэн хуулийн итгээд галын аюулгүй байдлыг хангах үүргээ биелүүлээгүй, эсвэл дүрэм журам ,тавигдах нийтлэг шаардлагыг зөрчсөн бол учруулсан хохирол нөхөн төлбөрийг гаргуулдаг байна.Үүнд: Иргэнийг 100 нэгжтэй тэнцэх хэмжээний төгрөгөөр торгох , хуулийн этгээдийг 1000 нэгжтэй тэнцэх хэмжээний төгрөгөөр торгох шийтгэл оногдуулна. Иймээс иргэд та бүхэн гал түймрийн аюулаас урьдчилан сэргийлэж . Аюулгүй байдлаа хангаж, анхаарал болгоомжтой байхыг гал түймрийн улсын хяналтын байцаагч, ахмад Л.Бат-Ирээдүй анхааруулж байна.