Өнөөдөр өглөө 4-20-р байрны цахилгаан шатны тросс тасарч доошоо унажээ. Тодруулбал, тус байрны 1-р орцны царилгаан шатны 6 тросс сэмэрч тасран 2 давхраас унасан байна. Цахилгаан шат доош унах үед дотроо хүнгүй байсан талаар багийн Засаг дарга нь оршин суугчдын бүлгэмд нийтэлжээ. Тэрээр: Тус лифт нь 2008 онд БНХАУ-д үйлдвэрлэгдсэн SMP-450/1.0 маркын 450кг даацтай лифт бөгөөд 15 жил ашиглагдаж байна. Өнгөрсөн оны 11 сард троссыг шинэчилж янзалсан бөгөөд өнгөрсөн жил ашиглалтын хугацаа дууссан 4 лифтийг энэ жил шинэчлэхээр аймгийн хөрөнгө оруулалтаар тендер зарлагдсан боловч компани ороогүй тул дахин тендер зарлуулахаар болсон байна. Гүйцэтгэгч нь шалгартал тодорхой хугацаанд хүлээхээр байна" гэжээ. Иймд оршин суугчид маань болгоомжтой байж, элдэв дуу чимээтэй, гацалттай байгаа лифтээр аль болох зорчихгүй байхыг хүсье.