Булган  аймгийн Бугат сум нь Эрдэнэ дайчин хошой чин ван  Ханддорж болон Булган аймгийг үүсгэн байгуулсан хошой мэргэн сайд Агданбуугийн Амар сайдын өлгий нутаг юм. Тэдний үр хойч болсон Бугат сумын иргэд өнөөдөр түүхэд 100 жилийн ойгоо ёслол төгөлдөр тэмдэглэж байна. Үе үеийн Бугат сумаас төрөн гарсан төр нийгмийн зүтгэлтэн,  урлаг соёлын алдартан төрсөн нутгаа зорин ирж байна.

 Бугат нутгийн байгалийн сайханд амарч, түүхт 100 жилийн ойн баяр наадмыг зорин ирэх зочдын  цуваа үл тасрана. Баяр наадмын үйл ажиллагаа хүчит бөхийн барилдаанаар эхэлж, хүндэт зочид төлөөлөгчдийн баярын хурлаар үргэлжлэх юм. Өнөөдөр орой 20:00 цагаас  хүндэтгэлийн тоглолт болно. Маргааш буюу 7-р сарын 18-ны өдрийн 10:30 минутаас Бугат сумын 100 жилийн ойн баяр наадмын нээлтийн үйл ажиллагаа эхэлнэ.

  Ингээд Булган аймгийн Бугат сумаар овоглож, ажиллаж амьдарч ирсэн  үе үеийн   иргэд хөдөлмөрчид, малчид тарайлагчид дэлхий даяар тархан суршьсан нийт Бугат нутгийн зон олон  та бүхэндээ түүхт 100жилийн ойн баярын мэнд хүргэе.