Орхон аймгийн Онцгой комисс хуралдааны шийдвэрээр хотын төвд байрлах шатахуун түгээх станцуудын үйл ажиллагаанд хяналт, шалгалт хийх ажлын хэсэг байгуулжээ. Ингэхдээ ачаа тээвэрлэлтийн маршрут баримтлаагүй, зам талбайн багтаамж зөрчилтэй, стандарт, дүрэм, журам зөрчиж үйл ажиллагаа явуулж буй ААН-дэд хариуцлага тооцож, шаардалагтай тохиолдолд шатахуун түгээх станцуудыг нүүлгэн шилжүүлэх хүртэлх арга хэмжээг авахаар болжээ. Аймгийн хэмжээнд есөн аж ахуй нэгж, байгууллагын 20 шатахуун болон шингэрүүлсэн хий түгээх станц байрлаж, үйл ажиллагаагаа явуулж байна.