Аймгийн сонгуулийн хороонд таван намаас нийт 98 хүн нэр дэвшихээр хүсэлтээ өгчээ. Нэр дэвшигчдийн материалыг шалгаж ирэх долоо хоногт тогтоол гаргах юм. 2024 оны АИТХ-ын Төлөөлөгчид сонгох сонгуулийн санал хураалт 10 дугаар сарын 11-нд болно. Сонгуулийн хорооны даргаар М.Жанболат ажиллаж байна. Засаг захиргаа, нутаг дэвсгэрийн нэгж, түүний удирдлагын тухай тухай хуулийн хүрээнд аймгийн ИТХ-ын Төлөөлөгчийн тоо 41 болж нэмэгдсэн. Харин Баян-Өндөр сумын төлөөлөгчийн тоо 31 байсан бол 29 болж буурч, Жаргалант суманд өмнөх жилүүдтэй адил 21 төлөөлөгч сонгогдох юм. Нам эвсэл тус бүрээс 41 хүн нэр дэвших боломжтой. Аймгийн МАН,АН-аас тус бүр 41 нэр дэвшигч, ХҮН-аас – 11, Иргэний оролцоо, нэгдэл намаас – 4, Үнэн ба зөв намаас – 1 нэр дэвшигч сонгуулийн хороонд хүсэлт гаргажээ. Орон нутгийн сонгуулийн сурталчилгаа энэ сарын 26-ны өдөр эхэлж, нэр дэвшигчид үнэмлэх гардан авснаар энэ үйл ажиллагаа албан ёсоор эхлэх юм.