Өнгөрсөн дөрвөн жилийн хугацаанд Эрдэнэт хотын хэмжээнд инженерийн шугам сүлжээ татах ажилд 20 гаруй тэрбум төгрөг зарцууллаа. Ингэснээр хот төлөвлөлтийг шинээр хийх, орон сууцны хороолол шинээр баригдах, айл өрхүүд төвлөрсөн шугам сүлжээнд холбогдох боломж бүрдлээ.
Тухайлбал, "Эрдэнэтийн ДЦС” ТӨХК-ийн урдаас хотын төв хүртэлх 3.5 км дулааны шугам, "Эрдэнэтийн ДЦС” ТӨХК-ийн урдаас Цагаанчулуут баг хүртэлх 6.4 км бохирын III коллектор, 1А хорооллын инженерийн шугам сүлжээ, “Уурхайчин 1, 2, 3” хорооллын болон Баянцагаан багийн дэд бүтцийн ажил, Хүрэнбулаг багийн 26, 27 дугаар байрны ар хэсэгт 480 метрийн урттай цэвэр усны шугамыг шинэчлэх ажлыг тус тус хийлээ.
