Баян-Өндөр сумын Иргэдийн Төлөөлөгчдийн Хурлаас санаачлан хэрэгжүүлдэг “Суралцагч хот” хөтөлбөрийн хүрээнд “БЭЛЭН БАЙ” арга хэмжээ өнөөдөр Хүүхдийн ордонд боллоо. 

     Тус арга хэмжээг Орхон аймгийн Улаан Загалмайн хороо, Боловсролын газар, Онцгой байдлын газартай хамтран зохион байгуулж суралцагчдад гамшгаас урьдчилан сэргийлэх, бэлэн байдлыг нэмэгдүүлэх чухал нөлөө үзүүлэх мэдлэг, мэдээллийг олгоход чиглэсэн юм.
  Арга хэмжээний хүрээнд ерөнхий боловсролын 13 сургуулийн 13 багийн нийт 100 гаруй суралцагч, гишүүд оролцож, аюулгүй байдал, гамшгийн үеийн зөв үйлдэл, хамтын ажиллагааны ур чадвараа сорин өрсөлдөж байна.       Энэхүү арга хэмжээ нь хүүхэд, залуучуудыг эрсдэлээс урьдчилан сэргийлэх мэдлэгтэй болгох, бодит нөхцөлд зөв шийдвэр гаргах чадварыг төлөвшүүлэхийн зэрэгцээ төрийн болон холбогдох байгууллагуудын хамтын ажиллагааг бэхжүүлэхэд чухал ач холбогдолтой юм.