Skip to main content

Гавьяат тамирчин Э.Бэхбаярт гурван өрөө байрны түлхүүр гардууллаа

    Эрдэнэт үйлдвэр ХХК-ийн 40 жилийн ойн нэрэмжит Чөлөөт бөхийн насанд хүрэгчдийн 2018 оны Улсын аварга шалгаруулах тэмцээний нээлтийн үйл ажиллагааны үеэр Чөлөөт бөхийн Дэлхийн аварга шалгаруулах тэмцээний хошой хүрэл медальт, гавьяат тамирчин Э.Бэхбаярт гурван өрөө орон сууцны түлхүүр гардуулав. Их спортыг хөгжүүлэх , тив дэлхийд улс эх орныхоо нэрийг дуурсгаж яваа үе үеийн тамирчдыг дэмжиж урамшуулахад онцгой анхаарал хандуулж ирсэн Эрдэнэт үйлдвэр ээлжит шагналаа Хангарьд спорт хорооны тамирчин Э.Бэхбаярт хүртээлээ.

     Чөлөөт бөхийн дэлхийн аварга шалгаруулах тэмцээнээс хошой хүрэл медаль хүртэж, Ази тивийн аварга, олон улсын болон улсын аварга шалгаруулах тэмцээнд удаа дараа түрүүлэн онцгой амжилт гаргаж, Монгол улсын Гавьяат тамирчин цолоор шагнагдсан Эрдэнэт үйлдвэр ХХК-ийн Хангарьд спорт клубын чөлөөт бөхийн тамирчин Эрдэнэбатын Бэхбаярт Нийслэлийн Хан-Уул дүүргийн 16 дугаар хороо, Буянт-Ухаа наадамчдын зам гудамжны 41 дүгээр байрны 28 тоот гурван өрөө орон сууцыг олгосугай хэмээн Эрдэнэт үйлдвэрийн Ерөнхий захирлын тушаалд дурьджээ. Гавьяат тамирчин Э.Бэхбаярт орон сууцны түлхүүрийг алд цэнхэр хадгийн хамт Эрдэнэт үйлдвэр ХХК-ийн Ерөнхий захирал, Аж үйлдвэрийн Гавьяат ажилтан Х.Бадамсүрэн гардуулж, цаашдын спортын их үйлсэд нь өндөр амжилт хүсэн ерөөв.


Энэ мэдээнд өгөх таны реакци?

  • 1
  • 1
  • 0
  • 0
  • 0
  • 0
  • 0
  • 0
  • 0

Манай сайтыг дэмжиж LIKE дараарай. Баярлалаа.


Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд erdenetinfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 88060333 утсаар хүлээн авна.

0 cэтгэгдэлтэй