Орхон аймгийн Баян-Өндөр сумын нийт иргэд, ахмад настнууд, хүүхэд багачууд та бүхэндээ Монголын төрт улс үүссэний 2225 жил, Их Монгол улс байгуулагдсаны 810 жил, Ардын хувьсгалын 95 жил, Орхон аймгийн 40 жилийн ойн баярын мэндчилгээ дэвшүүлье.
Тэртээх он жилүүдэд эх орныхоо тусгаар тогтнол, ард түмнийхээ сайн сайхан, газар нутгийнхаа бүрэн бүтэн байдлыг хамгаалахын төлөө амь бие, сэтгэл зүрх, оюун ухаанаа зориулан тэмцэж ирсэн ахмад буурлууддаа, ирээдүйн сайн сайхныг цогцлон бүтээхийн төлөө ажиллаж хөдөлмөрлөж сурч боловсорч, өсөж хүмүүжиж байгаа ард иргэддээ эрүүл энх сайн сайхныг хүсэн ерөөе.
Баяр наадмын өдрүүдэд нар хур тэгширч, идэр бөхчүүд хүчтэй, шандаст хүлгүүд нь хурдан, цэцэн харваачид нь мэргэн байх болтугай.
Зуун зуунд бүтээл нь дурсагдах
Зууны бүтээн байгуулалт Эрдэнэт хотдоо
Зон олон ард иргэд минь
Золтой цэнгэлтэй, баяр жаргалтай сайхан наадаарай.
