“Хариуцлагатай залуу манлайлагч” сургалтыг зохион байгуулж байна

Ярилцлага

ХУУЧИРСАН МЭДЭЭ: 2015-08-21-НД НИЙТЛЭГДСЭН

О.Гэрэлмаа

2015-08-21

Боловсролын хамтын ажиллагааны нийгэмлэг, ЮНЕСКО-той хамтран “Хариуцлагатай залуу манлайлагч” сургалтыг зохион байгуулж байна. Энэхүү сургалт нь Боловсролын Хамтын Ажиллагааны Нийгэмлэг болон ЮНЕСКО-ийн Бээжин дэх салбарын санхүүжилтээр залуучуудад зориулан хэрэгжүүлж буй “Бодлогын нөлөөлөлд залуусын оролцоо манлайллыг нэмэгдүүлэх, чадавхижуулах нь” хөтөлбөрийг хүрээнд зохиогджээ.

Дээрх хөтөлбөр, сургалт нь 18-35 насны залуучуудын нийгэмд эзлэх байр суурийг нэмэгдүүлэх, бодлого боловсруулах явцад залуусын оролцоог дээшлүүлэхэд чиглэсэн тэдний хөгжил, оролцоо, боловсролыг дэмжиж, ардчилсан нийгмийн идэвхтэй иргэн болон төлөвшихөд нь дэмжлэг үзүүлэх зорилготой аж.

“Хариуцлагатай залуу манлайлагч” сэдэвт сургалтын сургагч багшаар Орхон аймгийн Баян-Өндөр сумын ИТХ-ын төлөөлөгч Д.Ганболд Улаанбаатар хотноо урилгаар очиж 21 аймгийн манлайлагч залуучуудад тус сургалтыг зааж удирдаж байна.

О.Гэрэлмаа

/ 2015-08-21

Сэтгэгдэл / 0