Энэ жил сурах бичиг хангалттай хүрэлцэнэ

Ярилцлага

ХУУЧИРСАН МЭДЭЭ: 2015-08-25-НД НИЙТЛЭГДСЭН

Сэтгүүлч: Н.Цэнд-Аюуш

2015-08-25

2015-2016 оны хичээлийн жилийн бэлтгэл ажлын хүрээнд 1-5-р ангийн 35 төрлийн 9372 ширхэг 12-р ангийн 12 төрлийн 904 ширхэг сурах бичгийг татан авч сургуулиудад тараах ажил хийгдэж байна. Түүнчлэн суурь боловсролын цөм хөтөлбөр хэрэгжихтэй холбогдуулан 6-9-р ангийн 64 төрлийн номоос 29 төрлийн сурах бичиг, 48 төрлийн багшийн ном шинээр хэвлэгдэн гарах юм байна.

Түүнчлэн 1-р ангийн сурах бичиг энэ хичээлийн жилд бүрэн шинэчлэгдэж байгаа бөгөөд аймгийн хэмжээнд 1-р ангийн 2200 ширхэг сурах бичиг иржээ. Энэ хичээлийн жилд бага ангийн сурагчдын сурах бичиг хүрэлцээтэй ч бусад ангийн сурагчдын 40 хувьд нь сурах бичгийг үнэ төлбөргүй олгоно.

Тодруулбал амьжиргааны баталгаажих түвшнээс доогуур орлоготой өрхийн хүүхэд мөн хагас болон бүтэн өнчин сурагчдад сурах бичгийг үнэгүй олгох бол бусад сурагчид хувиараа сурах бичгээ худалдан авах боломжтой юм байна.

Сэтгүүлч: Н.Цэнд-Аюуш

/ 2015-08-25

Сэтгэгдэл / 0